撰文：卓王詠詩博士(Dr. Win Win @ Dr. PLAY)
自2023年起，Dr. PLAY 走訪到不同小學，提供遊戲師證書課程。至今已服務14間小學，訓練接近300位遊戲師。課堂中，我們鼓勵家長做反思筆記的功課，將所學應用在孩子身上。家長在課堂上反思自己的管教模式，因為實踐遊戲，看到果效，在家延伸遊戲教學，讓孩子喜愛學習。
愛與接納
Mandy Mao：「上完上一堂課，我思考的是有什麼方法可以更好的去發掘小朋友的天賦呢？要怎樣可以在主流社會的影響下，依然可以用自己認知內的方法，去幫助小朋友學習，現在讓小朋友學習的動機是什麼？是讓小朋友增長認知，以應付未來的人生！我思考到唯有愛他們，和允許接納他們一切！讓他們有個避風港再去乘風破浪！作為家長也要不停的學習，提高認知！」家長的愛與接納，永遠是孩子的最強後盾。
相信孩子
一年級及三年級家長Miko So：「因為成績永遠與乖同叻掛鉤，所以往往會忘記學習既重點。我兩小朋友現在是自己溫習，自己做功課。回想大女小一時，第一次考試，很緊張，大家都有壓力，「點解你唔記得?」「點解你仲唔熟架?」。往往用左以前自己既方法代入左落佢地度，到第二次考試，我選擇離場，只同佢講你有困難先叫我，成績不退反而仲進步左。當然佢地有時都會有壓力同怠慢既時候， 而家好清楚當遇上呢d時候唔可以迫係放，所以要不斷提醒自己，要放，要關心，要鼓勵，不要個我係媽咪既身份，其實係佢地身上我都學到放鬆既重要，而家係互相學習既態度，係佢地令我進步。」
遊戲刺激學習
一年級家長Ka Ying: 「最近發現阿仔仲未記到單數雙數，今日趁住爸爸放假就嚟玩個激烈版捉住單雙數，由捉住手改為鍚面珠，因爸爸工作關係好少同阿仔玩，今晚順便加強下爸爸同阿仔嘅關係。阿仔由最初好似咩都唔記得咁淨係識避到最後可以好快咁判斷自己係攻定守，而原本小一只教到20以內的數，爸爸已經同佢玩到100以內，証明阿仔對此數理概念有明顯及即時提升。而親子關係由最初唔係好想鍚爸爸到最後一定要鍚到爸爸，明顯無咁抗拒，捉捉玩唔20分鐘都係單數同雙數，樂此不疲。練琴方面都係繼續用同一個遊戲嚟同佢練睇譜，今個星期阿仔有主動問幾時去「玩琴」，亦証明佢已經喜愛用遊戲方法去練琴。」
每次看見家長反思的功課， 也深受感動，看見家長應用所學在孩子及家庭身上，透過遊戲，讓孩子喜愛學習，不再害怕繁重的功課、測驗、考試。親子關係也因為多玩遊戲而得到大大改善及提升。
